Ástæðan fyrir að ég hætti að reykja og....

......ástæðan fyrir því að ég er ekki fallin

Bumbukrílið væntanlegt 21. des   komin 14.v og 5d núna

kveðja

Helga Hrönn

 

Shit..........

.........hvað mig langar í sígrettu núna!  Er alveg á ystu nöf með að fara út í sjoppu og kaupa mér pakka  Hvað á ég að gera núna???? Hvað virkar til að koma í veg fyrir þetta?

kveðja

ég

Nýliðin helgi

Jæja þá er maður komin heim.........alltaf gott að koma heim. 

Á föstudaginn varð pabbi 60 ára og því var skellt sér í Skagafjörðinn í útilegu á landinu okkar.  Haldið var upp á afmælið á laugardaginn, mikið um kræsingar og var bara gaman. 

Við gistum í tjaldvagninum og var kalt fyrstu nóttina en þá seinni var hlýrri en lenti maður í smá veseni og svaf þar af leiðandi ekkert mjög vel. 

Fyrst vaknaði ég með lágan ( blóðasykur) og þurfti að finna mér eitthvað að borða.  En ég jafnaði mig á því og lagðist upp í aftur og þegar ég var alveg að sofna fann ég hreyfingu í vagninum.....svona eins og einhver væri að ganga um hann........settist ég því upp, sá að Tobbi og Aron Ingi sváfu við hliðina á mér og því voru þetta ekki þeir.....og ég sá engan annan á ferli. 

Því lagðist ég aftur en fannst samt eins og einhver væri þarna og fannst mér heyra eitthvað.  .......Settist því aftur upp og herti mig upp í að kíkja út um gluggann og nei ég sá engan þar. 

Ok þá lagðist ég aftur en losnaði ekki við þessa tilfinningu, þá heyrði ég smá hnegg......settist upp , vakti Tobbi og sagði honum að það væru ábyggilega hestar fyrir utan og bað hann að athuga það, hann var doldið lengi að ranka við sér og nennti ég ekki að bíða eftir því , leit út um gluggann og þá var vagninn, hjólið og bílinn umkringd hrossum.........SHIT hvað mér brá.....var nýbúin að kíkja út og sá ekkert........ekki skrítið að mér hafi fundist einhver vera á ferli.....þetta var bara við hausinn á manni.....!  

Það var rokið út og þau rekin í burtu en þar sem að þau fóru ekki út af landinu heldur lengra upp var ekkert annað að gera en að fara og smala þeim út af......svo að þau mundu nú ekki skemma bílana ( voru búin að smakka á þeim öllum en engin skemmdur). 

Ég fór og vakti pabba og töltum við á eftir þeim svo kom Ditta systir og stóð vaktina niðri svo að þau færu nú alveg örugglega út um hliðið, þetta hafðist og þá var bara að fara að sofa  

Var lengi að ná mér niður og alltaf fannst mér ég heyra eitthvað fyrir utan en loksins sofnaði ég en um það bil klukkutíma seinna vaknaði ég aftur með lágan og varð að finna mér eitthvað sætt......og svo var málið að leggjast aftur á koddann. 

Loksins sofnaði ég ( um 6) og svo þurfti ég að vakna um 8 til þess að sprauta mig og var það erfitt og þá mundi ég að mig dreymdi ísbjörn á ferðinni  En ég var fljót að sofna aftur og svaf til 10.30.  Sem sagt þetta var erfið nótt.......... og var maður sko þreyttur þegar maður kom heim í kotið sitt. 

Í gær eignaðist Helena systir Tobba og Nonni litla prinsessu, 13 merkur og 50 cm.  Innilega til hamingju með litlu skvísuna.  Loksins hafði ég rétt fyrir mér

Mér gengur vel að hætta að reykja og í dag eru komnar 2 vikur.  Reyndar var pínu erfitt um helgina þar sem að nokkrir reykja en það hafðist.  Ég hef forðast að vera nálægt sígó en núna er ég búin að vera nálægt reykingarfólki og fer ég því að treysta mér til þess að umgangast það.  Já ég hef forðast þá sem reykja en það er alls ekki svo að ég vilji ekki umgangast þá heldur verð ég bara að komast yfir það versta og held að það sé komið.......þá get ég loksins farið að hitta mína bestu frænku   Sumir hafa verið að reyna að giska á af hverju ég er hætt og ætla ég að leyfa þeim að halda áfram að velta því fyrir sér..............hætti ég af því að mig langar til þess eða er ástæðan önnur? Hvað segið þið?

jæja nóg í bili

kveðja

Helga Hrönn

 

 

Reyklaus og fyrsta útilegan í sumar...

Já þá er mins orðin reyklaus  Ég drap í 8. júní og hef ekkert reykt síðan.....! 

Ég byrjaði að reykja þegar ég var 14 ára, sem sagt í rétt um 19 ár.  Hef gert nokkrar tilraunir til að hætta en ekki margar.  Núna ákvað ég þennan dag 9. júní með ágætis fyrirvara og hugsaði hvernig ég ætlaði að gera þetta.  Ég nota extra- tyggjó, sykurlausan grænan opal og hlusta stundum á disk eftir Guðjón Bergmann "brostu þú ert reyklaus".......eins og mér fannst það hrikalega fyndið þegar Tobbi lá og hlustaði á hann fyrir 1 1/2 ári,,,,,þá er það alveg ótrúlegt hvað hann virkar.  Ég hef forðast aðstæður þar sem ég held að ég eigi mjög erfitt með að standast, en mér finnst mjög gott að finna sígólykt......s.s. þegar ég er að labba inn í kringluna. 

Þetta er búið að vera léttara en ég hélt, dagur 1 var hell, 2-4 allt í lagi en dagur 5 var HELL.  Allan föstudaginn og fram á miðjan laugardag hugsaði ég ekki um neitt annað en sígó og hvað ég væri til í eina......BARA eina, og skapið var sko eftir því.... Tobbi var í fríi á föstudaginn og því voru hann og Aron Ingi báðir hér heima um 16 og var ég alveg að missa mig.......ákvað ég því bara að loka mig inn í herbergi með bók og reyna svo að leggja mig .......svona áður en ég léti skapið mitt bitna virkilega mikið á þeim, og virkaði það .....alla vega lagði ég mig og lét það ekki bitna á þeim, en því miður var ég ennþá í vondu skapi þegar ég vaknaði

Á laugardaginn var svo stefnan tekin á útilegu.  Ég ekkert voðalega spennt enda lífið mitt bara leiðinlegt þegar ég gæti nú ekki fengið mér að reykja .....ekki einu sinni í útilegu  Skruppum í smá heimsókn til Dóra og co og svo var brunað úr bænum.  Á leiðinni á Laugarvatn var skapið farið að skána og hugsanir mínar farnar að snúast um eitthvað annað en "gömlu vinkonurnar", sem betur fer.  Já var sem sagt komin í ágætis skap þegar við komum á Laugarvatn....í sól og blíðu   En þá var að tjalda blessaða tjalvagninum og það fyrst sem kom upp í huga mér þá var að halda ró sinni og gera þetta í sameiningu........(eigum það til að vera pínu pirruð út í hvort annað þegar verið er að tjalda)  og Tobbi hefur greinilega ákveðið að gera það sama.......og gekk bara allt vel  

Bjarki, Inga og Emilía komu um 19.30.  Það var grillað, setið og spjallað við smá "varðeld" og svo var lagt sig um 1. Ekki sváfum við mjög vel þessa nótt, vagninn skakkur hjá okkur og svo þurfti einhver hálfviti á ferðabíl að starta honum kl. 7 , aftur kl.8 og aftur kl.9 og eftir það gekk hann í tvo tíma  Alveg ótrúlegt sumt fólk.....svona "PALLI einn í heiminum - syndrome".........óþolandi svona pakk!

Við vorum komin heim um 14.30 og var sko tekið því rólega enda mjög þreytt.  Aron Ingi horfði á mynd og við lögðum okkur í sófanum :)  Svo var audda horft á handboltann......flott hjá strákunum en því miður dugði það ekki. 

jæja læt þetta nægja í bili.............MUNA AÐ KVITTA

kveðja

Helga Hrönn

Voðalega.......

......eru margir orðnir hörundssárir.

Það má bara ekkert gera eða segja lengur.  Finnst þetta skemmtilegar auglýsingar og Jón Gnarr algjört "rassgat" í þeim.....og fleiri  

 

Lengi tekist á við húmorsleysi

Er ekkert að gerast á Íslandi?

.......nei greinilega ekki! Ráðherrar halda áfram að eyða, engin kreppa á Íslandi í dag

Utanríkisráðherra á ferð og flugi

Bloggstífla......

......hefur verið að hrjá mig undanfarið....en ætla að reyna að blogga smá núna.

Helgin var bara fín.  Laugardagurinn fór í að liggja í leti.  Mikið hrikalega var ég þreytt, svaf til 12.30, þegar ég vaknaði voru feðgarnir farnir í bónus.  Svo komu þeir heim og horfðum við á eina mynd.  Árni kom svo í smá kaffi og steinsofnaði ég í sófanum og á meðan fóru feðgarnir aftur út.  Rumskaði ég svo þegar þeir komu aftur heim, Tobbi grillaði og ég lá ennþá í leti.....veit ekki hvað var málið en ég hefði sko getað sofið meira.  Um kvöldið var svo horft á einn dvd.  Vel úthvíld eftir þennan dag.

Á sunnudeginum var svo stefnan að fara í tvö afmæli, hjá Dóra (bróðir Tobba ) sem var 35 ára og svo til Kristínar Lilju sem verðu 5 ára 5. júní.  Um kl. 13 fengum við sms frá Dóra og voru þau stödd upp á fæðingardeild ( Sigrún var sett 26.maí) og afmæliskaffi því frestað   Við skelltum okkur í afmælið hjá Kristínu Lilju og audda var mjög gaman þar og mikið um kræsingar.  Um 21 fengum við LOKSINS sms frá Dóra og var lítil prinsessa komin í heiminn   Hún fæddist kl. 19.20 og var 3420 gr og 49 cm, algjör draumastærð  Mæðgum heilsast vel.  Þetta er fyrsta barn Sigrúnar en Dóri á einn strák fyrir.  Dóri fékk hana því í afmælisgjöf........maður getur sko ekki fengið betri gjöf....

Innilega til hamingju með litlu prinsessuna

Ég er alltaf að sjá það betur hvað Tobbi er góður í að giska á kynið.....ég og Jórunn sögðu í gær að strákurinn væri að koma en Tobbi alveg pottþéttur á því að það væri stelpa......og hefur hann oft áður giskað á þetta m.a. með Aron Ingi, hann var sá eini sem sagði að hann væri strákur en allir aðrir sögðu að hann væri stelpa.  Bara gaman að þessu. 

Nú fer skólanum alveg að ljúka, í dag er vorhátið og þarf ég ekki að mæta fyrr en um 12.30.  Ég og Aron Ingi sváfum því út í morgun ( til 8.30) tókum því rólega hér heim og svo fór hann á leikskólann um 10.  Hann kemur með leikskólanum í dag í skólann hjá mér og þar munu þau syngja fyrir gesti og gangandi,.......hlakka mikið til að sjá hann þar 

jæja læt þetta nægja í bili.....

kveðja

Helga Hrönn

Eurovision .....

........Já hvað finnst ykkur um þessa keppni?  Ég held að við ættum bara að fara að hugsa alvarlega um að hætta að taka þátt.  Vestur-evrópa hefur ekkert að gera lengur í þessari keppni....það er ekki verið að kjósa eftir lögunum heldur snýst þetta um að gefa nágrönnum sínum sem mest....hvort sem að lagið er gott eða ekki og á meðan þetta er svona þá getum við Norðurlöndin bara sleppt þessu.....höfum ekkert í þennan fjölda sem býr í Austur-Evrópu.  Það verður því þannig að Austu - Evrópa vinnur alltaf.

En mér fannst Regína og Friðrik standa sig mjög vel ég fékk alveg gæsahúð þegar þau voru á sviðinu......þvílíkt flott!

Þrátt fyrir úrslitin þá áttum við frábæra stund hér heima í góðum hópi.  Dóri, Sigrún og mamma hennar komu  og líka Jórunn, Árni, Siggi, Ingibjörg og Teddi komu audda líka.  Við grilluðum öll saman og var svo horft á keppnina.  Öll spáðum við fyrir um hvar við mundum lenda en því miður gat enginn rétt......engin giskaði á lægra en 8. sætið En þetta var skemmtilegt kvöld !

Aron Ingi fór á Krókinn með afa sínum á föstudaginn.  Talaði við hann áðan , þá var hann í sveitinni með þeim og sól og blíðu.  Gistu þau þar síðustu nótt og svo var verið að vinna í rútunni.  Aron Ingi skellti sér í ánna og fannst það sko ekki leiðinlegt.  Greinilega mjög gott veður ....  Ég hlakka mikið til að fá hann heim á morgun.....hrikalega vantar mig mikið þegar hann er ekki heima.....mér bara leiðist þó svo að ég reyni að leggja mig fram við að láta mér ekki leiðast.

jæja verið nú dugleg að komment........

kveðja

Helga Hrönn

Hjálparbeiðni......

Fékk þetta í netpósti og ég bara varð að setja þetta hér inn :

 Hjálparbeiðni fyrir Ellu Dís Laurens.By Ragna E og Hildi Mósesdóttir

Kæru velunnarar.Ég sendi ykkur þessa beiðni fyrir mig og dóttur mína sem heitir Ella Dís Laurens og er 2 ára sem haldin er ólæknandi hrörnunarsjúkdómi.

Ella Dís fæddist 2 janúar 2006 sem heilbrigð stúlka og fór ekki að sýna einkenni fyrr enn í júní 2007. Þá byrjaði hún að detta og setti ekki hendur fyrir framan sig til að verjast falli.Ég var farin að hafa áhyggjur og þegar ég fór með hana í 18 mánaða skoðun haustið 2007 var heilsugæslulæknirinn líka sammála mér þar sem hún datt beint á andlitið hjá honum. Hann sendi beiðni til taugalæknis um nánari skoðun og þá hófst ferlið.Í byrjun október 2007 var litla dúllan mín greind með ólæknandi hrörnunarsjúkdóm. Enn er ekki búið að komast að hvaða gen eða litningar eru að valda þessari hröðu hrörnun.Eina sem við vitum er að þetta sé í framhorni mænunnar og veldur því að vöðavarnir eru ekki að fá nein taugaboð og hrörna og deyja.Í dag 7 mánuðum seinna er henni að versna hratt.

Að okkar mati of hratt og því hef ég tekið þá ákvörðun að reyna fara með hana til Kína í stofnfrumumeðferð.Hér getið þið lesið aðeins um það:www.stofnfrumur.is).En þetta er það eina sem mögulega gæti BJARGAÐ lífi hennar eins og staðan er í dageða leyft henni að lagast töluvert frá því sem hún er í dag. Af þeim 100 sjúklingum sem hafað farið í þessa meðferð þarna úti hafa 86 fengið töluverðan bata.Hér er linkur á spítalann:www.stemcellschina.com

En sú meðferð er mjög kostnaðarsöm og kostar meðferðin tvær og hálfa milljón og er það bara spítalakostnaður, síðan er ferðarkostnaður og uppihald. Ég geri ráð fyrir að kostnaðurinn við þessa ferð fari ekki undir 4 milljónir með öllu. Mig langar að biðja alla þá sem sjá sér fært að hjálpað mér með því að leggja inn á styrktarreikning Ellu Dísar sem ég hef stofnað í tilefni þessarar ferðar. Margt smáttgerir eitt stórt.

Reikningur: 0525-15-020106  Kennitala: 020106-3870 

Hér er síðan okkar sem þið getið fylgst með okkur á http://blogg.visir.is/elladis/ 

 

Frábært

Til hamingju Ísland

Þau stóðu sig frábærlega.........loksins verður gaman að horfa á keppnina....alla vega langt síðan við vorum með.

Þau voru flott ......hvort sem þau hefðu farið áfram eða ekki......þá stóðu þau vel.....en við erum með

kveðja

Helga Hrönn

Ísland áfram í Eurovision