Komin með nóg......

......af að blogga og ætla því að hætta í bili.  Hvað lengi kemur í ljós......kannski blogga ég aftur .....kannski ekki.

En ég mun fylgjast reglulega með bloggvinum mínum.  Hafið það gott.  kveðja - Ég

Krílið komið....

....Þann 17. des fæddist drengur, hann var 3670 gr og 52 cm, alveg nákvæmlega eins og stóri bróðir.  Hann dafnar vel ;)

Niðurstöður könnunnar ; 

Bumbukrílið er..........

• Stelpa
• Strákur
• get ekki giskað á það

Niðurstöður

Stelpa 37,5%

Strákur 46,9%

get ekki giskað á það 15,6%

32 hafa svarað

Já fleiri giskuðu á strák og höfðu rétt fyrir sér ;)

Jæja nenni ekki að blogga meira, vonandi hafið þið haft það gott og Gleðilegt nýtt ár öll sömul :)

kveðja

Helga "strákamamma"

Krílið væntanlegt.......

.....Já loksins er komin dagsetning.  Ég  (og auðvitað kallinn ) mæti klukkan 9 í fyrramálið upp á kvennadeild í gangsetningu.  Vonandi gengur allt saman vel og við fáum krílið fljótt í faðminn

 

Þangað til næst, knús og kossar

Helga Hrönn

Draumur....

Rósa mágkona sendi mér sms í dag og mátti ég til með að leyfa ykkur að lesa það, finnst það svo sætt :) :

"Dreymdi þig í nótt.  Þú hringdir og sagðir að þetta væri allt að koma hjá þér og ljósmóðirin sagði að þetta væri stelpa, en þú héldir að þetta væri strákur. 

Ein orðin pínu spennt, knús í hús (Rósa)"

já þá er bara að bíða og sjá hvort að ég hafi rétt fyrir mér í draumnum eða ljósmóðirin

Annars er allt gott að frétta, skoðun næst þann 16. des og vonandi fæ ég dagsetningu þá......verð að viðurkenna það að ég er að verða doldið óþolinmóð.......langar að fara að fá krílið í fangið

kveðja

Helga

alltaf í vandræðum með fyrirsögnina.......:(

Jæja best að reyna að blogga. 

Ég er byrjuð í mónitor 2svar í viku og er ég búin að fara í 3 skipti.  Fór í gær í mónitor og skoðun.  Var um það bil 30 mín í mónitor, ljósmæðurnar byrjuð eitthvað að "pískra" og heyrði ég bara að þær ætluðu ekki að samþykkja ritið og þá spurði ég þær hvort að það væri ekki allt í góðu?  Sögðust þær ekki ætla að samþykkja ritið , heldur ætti ég að sýna lækninum það og hann mundi samþykkja það ef það væri í lagi.  Vá hjartað missti úr nokkur slög.....jú ég var búin að finna mjög miklar hreyfingar og því áttaði ég mig ekki á því hvað væri eiginlega í gangi.  Ég fer því niður á biðstofuna þar og þurfi að bíða.........frekar óþægilegt að bíða og vita ekki neitt.  En loksins komst ég að og kíkti læknirinn á ritið og gat ekki samþykkt það, vildi að ég færi aftur í mónitor.........ó mæ.....þar misst hjartað fleiri slög úr En skoðunin gekk annars vel.  Ég fór aftur í mónitor og þá kom ritið vel út.....hjúkk, hjúkk....þetta tók sko á, verð alveg að viðurkenna það.  Það var ekki hægt að samþykkja fyrra ritið vegna þess að hjartsláttur jókst ekki nógu mikið þegar barnið hreyfði sig.....en hitt kom vel út og því fengum við að fara heim   Fer svo aftur á föstudaginn........nóg að gera en sko pottþétt þess virði og sko engin kvöð!  Á þriðjudaginn í næstu viku er svo vaxtarsónar og skoðun ......þá fæ ég endanlega dagsetningu....vívíví það er bara alveg að koma að því að við fáum krílið okkar Læt ykkur vita þegar dagsetningin er komin!  

Af Aron Inga er allt gott að frétta, gengur alveg súpervel í skólanum.  Reyndar er hann farinn að koma svo mikið upp í til okkar á nóttinni.  Skil það ekki vegna þess að hann hefur sofið svo vel allar (nánast) nætur síðan hann var nokkra mánaða og hefur ekki komið svona mikið upp í eins og núna....held að hann sé búinn að koma upp í alla vega 5 daga í röð...frekar óvanalegt....en vonandi er þetta bara tímabundið og ekkert annað að hrjá hann.....alla vega segir hann að það sé allt í lagi.  Svo er bara að muna að huga vel að honum þegar krílið kemur og leyfa honum að taka mikinn þátt í öllu.  

Jæja núna er maður aðeins farinn að finna fyrir kreppunni.....reyndar ekki fyrr en um næstu mánaðamót....málið er að það er komið yfirvinnubann hjá kallinum og munar það sko alveg helling á útborgun, sennilega um 100.000 kr.  Hann mun því fá meira að vera í fæðingarorlofi.......en þetta reddast alltaf .....eða er það ekki?  Alla vega ætla ég ekki að hafa of miklar áhyggjur núna , heldur tökum við á þessu þegar það þarf.  Svo er hann að hugsa um að taka að sér smá "aukaverkefni" í skúrinn ......vitið af honum :)

jæja hvað á maður að bulla meira?  Bara allt að verða tilbúið, búin að skreyta, kaupa allar jólagjafir nema Arons Inga, búin að skrifa jólakortin....bara eftir að skrifa prinsessuna/prinsinn undir þegar að því kemur, búin að kaupa frímerkin............ætla að taka "jólahreingerninguna" seinna....enda eitthvað sem fer ekki neitt.  Var að spá í að baka en ætla að sleppa því, alla vega eins og er, hver veit kannski ég verði í stuði þegar ég er orðin léttari :)  

Halldór frænka kom í heimsókn í dag , mikið rosalega er gaman að fá góða vin í heimsókn.....gæðastundir þegar vinir manns kíkja við eða þegar maður hittir þá.....en því miður hittir maður þá ekki nógu oft.  Á morgun hittumst við svo , ég , Sibba og Arndís....hlakka ýkt mikið til.

jæja veit ekkert hvað ég á að bulla meira.....þangað til næst

kveðja

Helga Hrönn 

Bara ýmislegt....

Jæja best að bulla smá.

Heyrði í dag af einni konu sem fór í Góða hirðinn.  Hún skoðaði sig þar um og fór svo að furða sig af verðinu þar og spurði starfsmann þar hvort að það væri búið að hækka?  Já sagði starfsmaðurinn við hækkum líka ......HA!!!! þessi ákveðna manneskja ákvað að ræða þetta ekkert nánar við starfsmanninn þar sem hún titraði af reiði.  HVAÐ ER MÁLIÐ?  Hver vegna í ósköpunum þarf að hækka verðið þar, þar sem að þetta er allt "dót" sem við almenningur gefum og ætti því ekki að vera mikill rekstrarkostnaður......jú laun og húsnæði en það er sko alveg pottþétt að ekki eru launin að hækka.  Ég tilnefni því nýtt nafn á þessa verslun..........GRÓÐA - HIRÐIRINN!!!! hvað segið þið um það?  Shit hvað ég er hneyksluð......

Ég var að tannbursta Aron Inga áðan og segði ég eitthvað á þá leið; Vá ég er að springa!  Aron Ingi ; nú af hverju?  Ég; af því að ég er komin með svo stóra bumbu.  Aron Ingi strauk þá bumbuna og sagði ; Já sæll ! ......bara fyndinn þessi gullmoli minn. 

Stebba og Valli eignuðust dóttir í gær og gekk allt vel og allir hafa það gott.  Þetta er fyrsta barn Stebbu en Valli á eina stelpu fyrir.......Innilega til hamingju með skvísuna....hlakka mikið til að sjá hana. 

Það er engin smá frjósemi í þroskó-bekknum mínum.  Eva eignaðist tvíbba í Apríl, Rakel strák í sept, Hildur strák í okt, svo Stebba með sína skvísu í nóv, svo er ég næst í des , í jan er svo Guðrún Helga og í feb er Helga Dögg........... vonandi er ég með röðina rétta og ekki að gleyma neinum  Kominn góður "mömmu-hópur" til að hittast, spurning að kanna það nánar seinna , er það ekki? 

Ég dundaði mér við að skreyta í dag, búin að setja seríur í alla glugga nema svefnhergið mitt......geri það á morgun og setti ég upp smá jólaskraut.....stefni á að klára fyrir helgi!  Kannski að ég baki eitthvað smá...veit það ekki .......ég á nú svo yndislega mömmu  og veit ég að hún er að baka smá handa mér.....m.a. uppáhaldið mitt Bjössakökur  Svo heyrði ég hana ræða við Aron Inga um að baka uppáhaldskökuna hans, rúllutertu með kremi.....var hann sko ánægður með það.  Ef Aron Ingi hefur áhuga á að skreyta piparkökur þá ætla ég að gera það......í fyrra var áhuginn ekki mikill og endaði það með því að ég sat uppi með þær flest allar og þurfi að skreyta þær ein......hann var svo þreyttur eftir nokkrar kökur

Allt gengur bara vel....reyndar er ég farin að fá mikil bjúg og vonandi er blóðþrýstingurinn til friðs.....nenni ekki að leggjast inn á spító.......en fer í skoðun á morgun og vonandi er allt OK.......7,9,13!  Komin 36 vikur og 2 daga....bara um ca.21 dagur eftir......can´t wait

jæja læt þetta nægja í bili

munið að kvitta

kveðja

Helga Hrönn

 

 

 

Hvað er ást í hugum ungra barna?

Fagfólk lagði spurninguna fyrir hóp af 4 – 8 ára börnum, “Hvað þýðir Ást?”
Svörin voru fjölbreyttari og dýpri en nokkurn grunaði.  Bara snilld :) 

'Þegar amma mín fékk liðagigtina gat hún ekki
beygt sig niður til að lakka táneglurnar lengur.
Svo að Afi minn gerði það alltaf fyrir hana jafnvel
eftir að hendurnar hans fengu liðagigt líka. Það er Ást.'
Rebekka 8 ára



'Þegar einhver elskar þig, segja þeir nafnið þitt öðruvísi.
Þú bara veist að nafnið þitt er öruggt í munninum á þeim.'
Billy – 4 ára



'Ást er þegar stelpa setur á sig ilmvatn og strákur setur á sig rakspíra
og þau fara út og lykta af hvort öðru.'
Karl – 5 ára


'Ást er þegar þú ferð út að borða með einhverjum og hann gefur þér frönskurnar
sínar án þess að láta þig gefa sér nokkuð af þínum eigin.'
Chrissy – 6 ára


Ást er það sem lætur þig brosa þegar þú ert þreytt.'
Terri – 4 ára


'Ást er þegar Mamma gerir kaffi handa Pabba,og hún tekur sopa áður en hún gefur honum það til að vera viss um að bragðið sé í lagi.'
Danny – 7 ára



'Ást er þegar þið kyssist öllum stundum. Síðan þegar þið eruð þreytt á að kyssast viljið þið enn vera saman og tala meira.
Mamma mín og Pabbi eru þannig. Það er ógeðslegt þegar þau kyssast'
Emily – 8 ára



'Ást er það sem er með þér í stofunni á Jólunum ef þú stoppar að taka upp gjafirnar og hlustar.'  
Bobby – 7 ára (Vaá!)

'Ef þú vilt læra að elska meira skaltu byrja á vini sem þú hatar,'
Nikka – 6 ára
(við þurfum nokkrar milljónir af Nikkum á þessa jörð)  


'Ást er þegar þú segir strák að þér finnist skyrtan hans falleg,
og þá gengur hann í henni alla daga.'
Noelle – 7 ára  



'Ást er eins og lítil gömul kona og lítill gamall maður sem eru
enn vinir jafnvel eftir að þau kynnast hvort öðru svo vel.'
Tommy – 6 ára

'Þegar ég var með píanótónleikana mína, var ég á sviði og ég var hrædd.
Ég leit á allt fólkið sem horfði á mig og sá Pabba minn veifa og brosa.
Hann var sá eini sem gerði það. Ég var ekki hrædd lengur'
Cindy – 8 ára



'Mamma mín elskar mig meira en nokkur annar.
Þú sérð engan annan kyssa mig góða nótt á kvöldin.'  
Clare – 6 ára


'Ást er þegar Mamma gefur Pabba besta hlutann af kjúklingnum.'
Elaine - 5 ára



'Ást er þegar Mamma sér Pabba illa lyktandi og sveittan
og segir enn að hann sé myndarlegri en Robert Redford.'  
Chris – 7 ára


'Ást er þegar hvolpurinn þinn sleikir þig í framan
eftir að þú skildir hann eftir einan allan daginn.'
Mary Ann – 4 ára  


'Ég veit að stóra systir mín elskar mig vegan þess hún gefur mér
öll gömlu fötin sín og verður að fara í búðina og kaupa ný.'
Lauren – 4 ára


'Þegar þú elskar einhvern, fara augnhárin upp og niður
og litlar stjörnur koma út úr þér.' (þvílík sýn)
Karen – 7 ára


'Þú ættir ekki að segja “Ég elska þig” nema þú meinir það.
En ef þú meinar það áttu að segja það oft.  Fólk gleymir.'
Jessica – 8 ára


Og að lokum:

4 ára gamall drengur átti gamlan herramann að nágranna sem hafði nýlega misst konuna sína.
Þegar hann sá gamla manninn gráta, fór litli drengurinn inn í garð herramannsins, klifraði upp í kjöltu hans og bara sat þar.

Þegar móðir hans spurði hann hvað hann hafði sagt við gamla manninn svaraði hann: “Ekkert. Ég bara hjálpaði honum að gráta”

Ekki rétt.....

.......að grunnskólabörn í Hafnarfirði greiði 200 kr fyrir máltíðina.  Samkvæmt mínum reikningum kostar máltíðin 246 kr. 

En ég væri nú ekki til í að greiða jafn mikið og í Garðabæ eða 428 kr.

En rétt skal vera rétt!

 

Foreldrar kæra Garðabæ

Tengdapabbi......

................hefði orðið 59 ára í dag, en hann lést árið 1980.  Mikið hefði verið gaman að kynnast honum, ef strákarnir hans eru líkir honum þá hefur hann verið yndislegur maður blessuð sé minning hans.

 

Munið að huga vel að þeim sem ykkur þykir vænt um......því að það eru þeir sem skipta máli. 

Eigið góða helgi

kveðja

Helga 

Jæja, jæja.....

.....veit svei mér þá ekkert hvað ég að blogga um.  Er bara heima í slökun og því hitti maður ekki marga og ekki nenni ég að blogga um kreppuna....né pólitík.....en það er nánast það eina sem er í fréttunum......jökkkk....búin að fá nóg af því. 

En já ég á bara eftir að kaupa jólagjöfina handa Aron Inga, búin að kaupa jólakortin og byrjuð að skrifa þau.  Maður verður víst bara að skrifa Helga og fjölskylda eða Tobbi og fjölskylda....fyrst að krílið kemur svona rétt fyrir jólin.....svo er aldrei að vita nema ég nái að skrifa í p.s. ...kynið áður en ég sendi þau! 

Fór í skoðun í morgun og gengur þvílíkt vel.  Allt saman í orden meira segja blóðþrýstingurinn.....bara sjalda verið betri....greinilegt að ég hafi þurft að hætta að vinna og hvíla mig.  Fer ekki í vaxtarsónar næst fyrr en á 38 viku...( eftir 4 vikur) og þá mun sennilega koma í ljós hvenær krílið kemur... Eins og staðan er í dag mun ég sennilega ganga með það 39 vikur + einhverja daga.......já sem sagt bara korter í jól  Krílið er núna um 10 merkur og mun það sennilega verða svipað þungt og Aron Ingi eða um 15 merkur.....en sennilega aðeins þyngra þar sem að meðgangan verður aðeins lengri. 

Ok búin að tala um meðgönguna.......hvað á ég að segja næst?  Er eitthvað svo tóm þessa dagana....enda gengur lífið mitt út á meðgönguna og heimilið þessa dagana og því veit ég bara ekkert hvað ég á að skrifa um  

Jæja ætli ég láti þetta bara ekki nægja núna.....vonandi eru þið ekki orðin leið á meðgöngu-skrifum mínum

kveðja

Helga Hrönn