Bloggfærslur mánaðarins, október 2008

Mæðraskoðun + vaxtarsónar

Jæja fór í mæðraskoðun , vaxtarsónar og til sykursýkislæknis í morgun.  Þetta gekk allt saman vel. 

Vaxtarsónarinn kom mjög vel út.  Krílið í eðlilegri stærð og lítur allt saman mjög vel út.  OOOhhhh ég fékk enga mynd núna en mun biðja um næst.....Grin

Í mæðraskoðuninni mældis blóðþrýstingurinn í hærri kantinum.  Töluverð bjúgmyndun er líka, mikil þreyta og orkuleysi og í ljós þessa var ákveðið að minnka vinnuna mína.  Reyndar var mér boðið að hætta alveg en ég vildi prófa að minnka við mig fyrst.  Því verð ég í 50% vinnu núna og verður það endurskoðað eftir 1/2 mán.  

Sykursýkislæknirinn minn mjög ánægð með tölurnar mínar og hafði ekkert út að þær að setja.  Ég þakka dælunni fyrir hvað það gengur vel, reyndar gekk mér mjög vel þegar ég gekk með Aron Inga, en ég var líka svöng alla meðgönguna hans.  Einnig lá ég inni allt í allt rúmlega 5 vikur.....en ekkert búið að leggja mig inn núna.......7.9.13.....ætli efnahagsástandi spili þar inn í......nei held ekki!  

Vá aldrei hélt ég að ég mundi upplifa það að finnast gaman að stíga á vigt.....en mikið er það "gaman" núna.  Ég var búin að þyngjast um 1.8 kg síðan í júní en í dag þegar ég fór var ég búin að léttast um 500 gr........og ég er ekki í neinni megrun.  Þetta þakka ég þessari yndislegu dælu Grin  Krílið er 1.670 gr núna.....en þá á eftir að telja inn í legvatn , fylgju og allt heila klabbi......sem sagt ég er sjálf að léttast.  Man þegar ég fór í fyrstu mæðraskoðuninna og þar var sagt við mig að ég mætti þyngjast um ca. 6 kg......ég varð orðlaus og hugsaði með mér "shit...hvernig í ósköpunum á ég fara að því?..... en sennilega næ ég því.  Hef ekki þurft að fórna miklu, hef getað leyft mér að "svindla" einstöku sinnum án þess að sykur hækki mikið........já þetta hefur farið fram úr mínum björtustu vonum.....aldrei bjóst ég við að ég mundi sætta mig við þessa dælu ...hvað þá að ég er mun sáttar við sjúkdóminn núna....hef aldrei fundið það áður.  Í dag eru 20 ár síðan ég greindist.....eða síðan ég varð fárveik og mátti sko ekki tæpar standa með greiningu....þá væri ég ekki hér.......

jæja þá er ég búin með trúnó..........vonandi nenntuð þið að lesa þetta.....ég bara var að tjá mig...er svo ánægð með lífið.....þrátt fyrir kreppuna!  Enda er það annað sem skiptir meira máli en peningar.......það er sko eitt af þvi sem maður veit fyrir víst!!!

 hafið það gott elskurnar mínar

kveðja

Helga Hrönn


I´m back.......

................jæja loksins er ég komin í samband.....tölvan fékk vírus og hrundi Devil Tók rúmlega 3vikur en hún er komin í lag núna.....7,9,13 Whistling

Ég nenni nú ekki að rifja þessa vikur upp en hér kemur það helsta:

27. sept :  Var gæsunin hennar Sibbu minnar.  Allt gekk vel og var mjög gaman.  Bendi ykkur á að lesa hennar blogg fyrir nánari upplýsingar.....heheheehe!  Alla vega tókst mjög vel og allar skemmtu sér konunglega. 

Um mánaðamótin fórum við í 3víddar sónar.  Mér og Tobba fannst mjög gaman en Aron Inga fannst þetta sko ekki spennandi.  Eiginlega fannst honum þetta "ógeðslegt".........ég spjallaði við hann eftir á og útskýri fyrir honum að barnið liti ekki svona út og væri mikið fallegra þegar það kemur í heiminn.....OK hann sáttur við það.  Hann er svo fyndinn þessi elska InLove.  Bumbukrílið var sko ekki að sýna sig of mikið.........ég var hrist ...eins og ég veit ekki hvað....ómæ hef bara ekki upplifað annað eins.......en NEI krílið bara svaf og neitaði að sýna sig meira en það gerði.  En það náðust ágætar myndir, sérstaklega vanga og andlits en ekki meira en það.  Þó svo að ég hafi orðið fyrir smá vonbrigðum með hvað ég fékk fáar (færri en aðrar sem ég veit um) myndir þá varð ég mun rólegri eftir að hafa farið....núna veit ég að það er allt ok.  

Um helgina flutti Aron Ingi í forstofuherbergið......eða réttar sagt herbergið fyrir stóra stráka.  Hann valdi sér lit á herbergið og varð blár fyrir valinu....ég málaði því einn vegg bláan og kemur það mjög vel út.  Hann fær líka að hafa playstation-tölvuna hjá sér.  Alla vega í bili.....ég hef ekki verið sátt við að leyfa það en hann óskaði eftir því og ákvað ég að leyfa það til þess að gera flutninginn spennandi.......svo verður nú ekki gaman að hafa mun yngri krakka yfir sér í henni....fiktandi í öllu og með brjá..... læti....Grin Hann er mjög sáttur við þetta......það er einna helst ég sem er pínu stressuð .....finnst hann farinn langt í burtu frá mér......æi maður getur verið svo klikkaður....en þetta er nú "litla" barnið mitt......en samt orðinn svo stór!!!

Á morgun er það vaxtarsónar.....var honum flýtt um 2 vikur.  Ástæðan er mikil þreyta hjá mér, blóðþrýstingur í hærra lagi í síðustu skoðun og bjúg myndun.. (en kannski er það nú bara eðlilegt).  Ég er rosalega fegin að fá að fara fyrr.  Það á að skoða það á morgun hvort að ég þurfi að minnka við mig vinnuna......er alveg hrikalega þreytt og hef bara aldrei upplifað annað eins (hjúkk).  Hef verið með sykursýki í 20. ár ( á morgun) og hefur sykurinn oft verið mjög hár....en aldrei hef ég upplifað svona mikla þreytu áður.......kannski er þetta bara aldurinn.....en sjáum til hvað doksi segir á morgun. 

Jæja ég nenni ekki að blogga meira í dag.....hafið það gott, gaman að geta fylgst með ykkur aftur og munið að kvitta.

Æ em át

kveðja

Helga Hrönn

 


Innskráning

Ath. Vinsamlegast kveikið á Javascript til að hefja innskráningu.

Hafðu samband